India Post Recruitment 2025: ભારતીય પોસ્ટ વિભાગ દ્વારા 40+ સ્ટાફ કાર ડ્રાઈવર ના પદો પર ભરતી જાહેર, પગાર રૂ. 19,900 થી શરુ

India Post Recruitment 2025: ભારત સરકારના સંચાર મંત્રાલય હેઠળ કાર્યરત પોસ્ટ વિભાગ દ્વારા ગુજરાત સર્કલ માટે સ્ટાફ કાર ડ્રાઇવર (ઓર્ડિનરી ગ્રેડ) પદની સીધી ભરતી જાહેર કરવામાં આવી છે. આ પદ જનરલ સેન્ટ્રલ સર્વિસ ગ્રુપ-સી હેઠળનું નોન ગેઝેટેડ અને નોન મિનિસ્ટિરિયલ પદ છે. સરકારી નોકરી મેળવવા ઇચ્છુક અને વાહન ચલાવવાનો અનુભવ ધરાવતા ઉમેદવારો માટે આ એક ઉત્તમ તક છે. પસંદગી પામેલ ઉમેદવારોને ભારત સરકારના નિયમો મુજબ પગાર, ભથ્થાં અને નોકરીની સુરક્ષા મળશે.

આ લેખમાં અમે પાત્રતા, પગાર, પસંદગી પ્રક્રિયા, અરજી સ્ટેપ્સ અને સત્તાવાર લિંક્સ સરળ ભાષામાં સમજાવીશું.

India Post Recruitment 2025 । ઇન્ડિયા પોસ્ટ ભરતી 2025

વિગત	માહિતી
સંસ્થા	ભારતીય ડાક વિભાગ
પદ	સ્ટાફ કાર ડ્રાઈવર
કુલ જગ્યાઓ	48
પગાર	₹19,900 થી ₹63,200 સુધી
અરજી પ્રક્રિયા	સંપૂર્ણપણે ઓફલાઈન
સત્તાવાર વેબસાઈટ	https://www.indiapost.gov.in/

મહત્વની તારીખ

આ ભરતી માટે અરજી કરવાની પ્રક્રિયા હાલ ચાલુ છે. ઉમેદવારોએ પોતાની સંપૂર્ણ ભરેલી અરજી સ્પીડ પોસ્ટ અથવા રજિસ્ટર્ડ પોસ્ટ દ્વારા 19 જાન્યુઆરી 2026 ના રોજ સાંજે 6:00 વાગ્યા સુધી સંબંધિત કચેરીમાં પહોંચે તે રીતે મોકલવાની રહેશે. નિર્ધારિત સમય મર્યાદા બાદ પ્રાપ્ત થતી અરજીઓ કોઈપણ સંજોગોમાં સ્વીકારવામાં આવશે નહીં.

પોસ્ટનું નામ અને જગ્યાઓની સંખ્યા

આ ભરતી હેઠળ સ્ટાફ કાર ડ્રાઇવર (Ordinary Grade) પદ માટે કુલ 48 જગ્યાઓ જાહેર કરવામાં આવી છે. આ જગ્યાઓ મુખ્યત્વે અનામત વગરની છે, જ્યારે કેટલીક જગ્યાઓ EWS, SC, ST, OBC તથા પૂર્વ સૈનિક ઉમેદવારો માટે અનામત રાખવામાં આવી છે. પસંદ થયેલા ઉમેદવારોને ગુજરાત સર્કલના વિવિધ વિભાગો જેમ કે અમદાવાદ, વડોદરા, સુરત, રાજકોટ સહિત અન્ય એકમોમાં નિમણૂક આપવામાં આવી શકે છે.

પગાર ધોરણ

આ પદ માટે પસંદ થયેલા ઉમેદવારોને સાતમા પગાર પંચ મુજબ પે લેવલ-2 અંતર્ગત રૂ. 19,900 થી રૂ. 63,200 પ્રતિ મહિના પગાર મળશે. આ ઉપરાંત મોંઘવારી ભથ્થું, મુસાફરી ભથ્થું, મકાન ભાડું ભથ્થું અને ભારત સરકાર દ્વારા સમયાંતરે મંજૂર અન્ય તમામ ભથ્થાં મળવા પાત્ર રહેશે.

વય મર્યાદા

આ પદ માટે ઉમેદવારની ઉંમર અરજીની અંતિમ તારીખના દિવસે 18 વર્ષથી 27 વર્ષ વચ્ચે હોવી જોઈએ. સરકારના નિયમો અનુસાર અનુસૂચિત જાતિ, અનુસૂચિત જનજાતિ, અન્ય પછાત વર્ગ, આર્થિક રીતે નબળા વર્ગ અને પૂર્વ સૈનિક ઉમેદવારોને ઉંમરમાં છૂટછાટ આપવામાં આવશે.

શૈક્ષણિક લાયકાત અને અનુભવ

આ ભરતી માટે ઉમેદવાર ઓછામાં ઓછો 10મો ધોરણ પાસ હોવો આવશ્યક છે અને માન્ય બોર્ડમાંથી પરીક્ષા પાસ કરેલી હોવી જોઈએ. ઉમેદવાર પાસે માન્ય હલકા તથા ભારે વાહન ચલાવવાનો ડ્રાઇવિંગ લાયસન્સ હોવો જરૂરી છે. ઉપરાંત, મોટર મિકેનિઝમ વિશે મૂળભૂત જાણકારી અને ઓછામાં ઓછા ત્રણ વર્ષનો વાહન ચલાવવાનો અનુભવ હોવો આવશ્યક છે. સરકારી કે સંસ્થાકીય વાહન ચલાવવાનો અનુભવ ધરાવતા ઉમેદવારોને પ્રાથમિકતા આપવામાં આવશે.

અરજી ફી

આ ભરતી માટે સામાન્ય અને OBC/EWS કેટેગરીના ઉમેદવારો માટે રૂ. 100 અરજી ફી નક્કી કરવામાં આવી છે. અનુસૂચિત જાતિ, અનુસૂચિત જનજાતિ, મહિલા ઉમેદવારો અને પૂર્વ સૈનિક ઉમેદવારોને અરજી ફીમાંથી મુક્તિ આપવામાં આવી છે. અરજી ફી નિર્ધારિત માધ્યમ દ્વારા જ ચૂકવવાની રહેશે.

પસંદગી પ્રક્રિયા

સ્ટાફ કાર ડ્રાઇવર પદ માટે ઉમેદવારોની પસંદગી મુખ્યત્વે ડ્રાઇવિંગ સ્કિલ ટેસ્ટ અને દસ્તાવેજ ચકાસણીના આધારે કરવામાં આવશે. ઉમેદવારને વાહન ચલાવવાની વ્યવહારુ કસોટી આપવી પડશે, જેમાં તેમની ડ્રાઇવિંગ કુશળતા, ટ્રાફિક નિયમોની સમજ અને સલામત વાહન સંચાલનની ક્ષમતા ચકાસવામાં આવશે. સ્કિલ ટેસ્ટમાં યોગ્ય ઠરેલા ઉમેદવારોના તમામ પ્રમાણપત્રોની વિગતવાર ચકાસણી કરવામાં આવશે.

ડ્રાઈવિંગ ટેસ્ટ માટેની સલાહ:

ડ્રાઇવિંગ ટેસ્ટ માટે જતાં પહેલાં જરૂરી દસ્તાવેજો જેમ કે માન્ય ડ્રાઇવિંગ લાયસન્સ, ID પ્રૂફ અને અનુભવ સર્ટિફિકેટ તૈયાર રાખો. ટેસ્ટ દરમિયાન વાહન ધીમે અને નિયંત્રણમાં ચલાવો, ગિયર અને બ્રેકનો યોગ્ય ઉપયોગ કરો અને હંમેશા સીટબેલ્ટ બાંધી રાખો. ટ્રાફિક નિયમોનું પાલન કરો, ખાસ કરીને સ્પીડ લિમિટ, ઇન્ડિકેટર અને હોર્નનો યોગ્ય ઉપયોગ જરૂર પડે ત્યારેજ કરો. રિવર્સ અને પાર્કિંગ કરતી વખતે ધ્યાનપૂર્વક મિરર જુઓ અને વાહન લાઇન બહાર ન જાય તેનું ધ્યાન રાખો. Mobile ન વાપરો, શાંતિથી ડ્રાઇવિંગ કરો અને અધિકારીના સૂચનો ધ્યાનથી સાંભળો. આ બધું કરશો તો ટેસ્ટ પાસ થવાની શક્યતા વધારે રહે છે.

અરજી પ્રક્રિયા

ઇચ્છુક અને લાયક ઉમેદવારોને આ ભરતી માટે ઓફલાઇન અરજી કરવાની રહેશે. અરજી ફોર્મ સંપૂર્ણ રીતે ભરીને તમામ જરૂરી દસ્તાવેજોની સ્વપ્રમાણિત નકલો સાથે સ્પીડ પોસ્ટ અથવા રજિસ્ટર્ડ પોસ્ટ દ્વારા સંબંધિત કચેરીના સરનામે મોકલવાની રહેશે. અરજી લિફાફા ઉપર સ્પષ્ટ રીતે “Staff Car Driver Recruitment” લખવું જરૂરી છે. અરજી મોકલતાં પહેલાં તમામ વિગતો સાચી રીતે ભરેલી છે કે નહીં તેની ખાતરી કરવી ઉમેદવારની જવાબદારી રહેશે.

મહત્વપૂર્ણ સૂચનાઓ

• અરજી તારીખ વીતી ગયા બાદ અરજીઓ લેવામાં આવશે નહિ.
• ફોર્મમાં ખોટી માહિતી આપશો તો reject થઈ શકે છે.
• આ ભરતી સંપૂર્ણપણે મેરીટ આધારિત કરવામાં આવશે એટલે લોભામણી જાહેરાત આપતા agents / brokers પર વિશ્વાસ ન કરવો.

FAQ – વારંવાર પૂછવામાં આવતા પ્રશ્નો

આ ભરતી કયા પદ માટે છે?

Staff Car Driver (Ordinary Grade)

કેટલી જગ્યાઓ છે?

કુલ 48 જગ્યાઓ (ફેરફાર શક્ય)

અરજી કેવી રીતે કરવી?

માત્ર ઓફલાઇન — Speed Post અથવા Registered Post દ્વારા

છેલ્લી તારીખ કેટલી છે?

19 જાન્યુઆરી 2026 (સાંજે 6:00 સુધી પહોંચવી જરૂરી)

લાયકાત શું જોઈએ?

10મું પાસ + માન્ય LMV અને HMV driving license

અનુભવ જરૂરી છે?

હા, ઓછામાં ઓછો 3 વર્ષનો driving experience જરૂરી છે

વય મર્યાદા કેટલી છે?

18 થી 27 વર્ષ (કેટેગરી મુજબ છૂટ મળે છે)

પસંદગી કેવી રીતે થશે?

Driving Skill Test અને Document Verification દ્વારા

અરજી ફી કેટલી છે?

₹100 – કેટલાક વર્ગોને છૂટ મળે છે

નોકરી ક્યાં મળશે?

Gujarat Circle ના વિવિધ વિભાગોમાં પોસ્ટિંગ મળી શકે છે.

અરજી કરવા માટે જરૂરી લિંક:

જાહેરાતની માહિતી માટે	અહીં ક્લિક કરો
સત્તાવાર વેબસાઈટ પર જવા માટે	અહીં ક્લિક કરો
mahitiexpress.com પર જવા માટે	અહીં ક્લિક કરો

Disclaimer

આ લેખમાં આપેલી માહિતી India Post દ્વારા બહાર પાડવામાં આવેલી સત્તાવાર જાહેરાત અને વિશ્વસનીય સ્ત્રોતોના આધારે તૈયાર કરવામાં આવી છે. ભરતી સંબંધિત નિયમો, તારીખો અને અન્ય વિગતોમાં સમયાંતરે ફેરફાર થઈ શકે છે. અરજી કરતા પહેલા કૃપા કરીને સત્તાવાર નોટિફિકેશન અને વેબસાઈટ પર માહિતી ચોક્કસ રીતે ચકાસી લો. આ લેખ માત્ર માહિતી માટે છે, કોઈ ભૂલ, ફેરફાર અથવા નુકસાન માટે અમારી વેબસાઇટ જવાબદાર નહીં રહે.